Te Tūhono i ngā Ao e Rua
Bridging Two Worlds
“Ka pēnei anō taku kōrero ki tōku kuia?”
E anga nui ana tēnei tauira ki ngā uauatanga tērā ka hua ake i ngā kaupapa Māori i roto i ngā kawenga ngaio, i roto anō i ngā kōrerorero ngaio i waenga i ngā hoamahi rangatahi me ngā hoamahi taipakeke. He wāhine katoa ēnei i uru mai ki te uiuinga nei, tae atu ki ngā kaiwhakaputa whakaaro, engari ka hāngai tonu ngā pātai me ngā whakawhiti whakaaro ki ērā ka puta ake mēnā he tāne kē ngā hoamahi i te tauira.
He nui ngā kōrero o tēnei tauira mā ērā e mahi ana i waho o ngā akomanga reo Māori. Koinei hoki te inoi a tētahi o ngā wāhine i whai wāhi mai ki ngā uiuinga: “Anei anō tētahi huarahi, he pai mō te ao Māori, he painga kei roto i tēnei mō te ao Pākehā. Tirohia, hara mai, tirohia, noho mai ki ahau, i te taha i ahau. Kei a ia ēnei kai o te ao Māori, ākene pea kei reira he painga mō te ao Pākehā.”
Te hunga i whai w āhi mai ki te tauira
Ripeka Lessels
He takawaenga mātauranga Māori a Ripeka Lessels i te takiwā o Waiariki.
Wini Emery
He kaitohutohu mātauranga Māori a Wini Emery i Te Whare Wānanga o Waikato.
Heeni McClunie
He takawaenga mātauranga Māori a Heeni McClunie i te takiwā o Tauranga.
Leeana Herewini
He kaitohutohu mātauranga Māori a Leeana Herewini i Te Whare Wānanga o Waikato.
Dee Reid
He kaitohutohu mātauranga Māori a Dee Reid i Te Whare Wānanga o Waikato.
Sarah-Jane Tiakiwai
He kairangahau a Sarah-Jane Tiakiwai i Te Whare Wānanga o Awanuiārangi.
Kupu whānui
Kua roa a Leeana e tū ana hei kaitohutohu, ka mutu, kua neke atu i te rima tau ōna e āwhina ana ki te ārahi i ngā whakaakoranga pāngarau ki te reo Māori. Ko tētahi o āna mahi, ko te toro atu, ko te tautoko i ngā takawaenga e kawe ana i Te Poutama Tau; i ētahi wā kua mātakitaki ia i tētahi takawaenga i a ia e mahi ana, me te whakaputa whakaaro ki ētahi āhuatanga o tana mahi kua oti kē te whakarite.
I tēnei rā, kua pōhiritia a Leeana e Wini kia mātakitaki i tētahi hui pouako e whakahaeretia ana e ia. Ka hopukina anō ngā kōrero o te hui nei ki te rīpene. Kua whakaae rāua ka matapakihia ngā kōrero ka mau ki te rīpene, me ngā kōrero ka tuhia e Leeana mō ngā mea i kite ai ia, i te wiki o muri mai.
Kaiwhakaputa whakaaro
Kaa Williams
Ko Kaa Williams tēnei, ko ia e whakaputa ana i ōna whakaaro ki te tauira nei. He pūkenga matua a Kaa i Te Wānanga Takiura o ngā Kura Kaupapa Māori, he pūkenga harangote anō i ngā akoranga Māori i te Whare Wānanga o Waikato, Te Whare Wānanga o Tāmaki-makau-rau, me Te Whare Wānanga o Awanuiārangi.
John Loughran
Ko Ahorangi John Loughran tēnei, ko ia e whakaata ana i ōna whakaaro ki te tauira. Kei Te Whare Wānanga o Monash, i Poipiripi, a ia e mahi ana. Ko tētahi o āna tino kaupapa, ko te wāhi nui ki te huritao i roto i ngā akoranga a ngā pouako me ngā kaiwhakangungu pouako.
Ngā akoranga ISTE matua mō tēnei tauira
Te whakaata a tēnei tauira i te riponga uiui, hanga mātauranga o te ISTE
- Next item
Te pātai rangahau >
