Tauira 5 diagram description
Te whakaata a tēnei tauira i te riponga uiui, hanga mātauranga o te ISTE
Ka hangaia ēnei huarahi whainga i tetahi amio mutunga kore. Ko ngā hiahia akoranga a ngā akonga te kai whakau i tēnei amiotanga.
He aha ngā hiahia ako o ngā ākonga?
Me pakari ake ngā pūkenga me ngā mātauranga pāngarau o ngā ākonga Māori.
He aha ngā hiahia ako o ngā pouako/kaiārahi kura?
E whai ana ngā pouako i haere ki te hui a Wini kia pai ake, kia tōtika ake tā rātou whakaako i te pāngarau ki te reo Māori.
· He aha ngā mea e hiahia ana tātou kia ākona e tātou?
· He aha tā tātou pātai rangahau?
· He aha ō tātou whakapono, ā tātou whakapae mō tā tātou pātai rangahau?
Kāore a Leeana i mōhio me pēhea te whakapuaki i tana āwangawanga ki te āhua o te aro atu a Wini ki te pātai a tētahi o ngā pouako. Ko tana hiahia, kia ū āna mahi tahi ki ngā pouako me ngā hoamahi ki ōna whakapono Māori me ngā tikanga Māori, ki ōna whakapono ngaio anō e noho ai ko ngā hiahia o ngā ākonga te mea nui.
Te whakarite me te uru atu ki ngā wheako ako hei whakautu i te pātai rangahau
Ka noho a Leeana ki te huritao i āna mahi i muri i ngā kōrerorero a ngā pakeke me ngā rangatahi.
Kua pēhea te rerekē haere o ngā kawenga i runga anō i ngā kōrero i put ake i te rangahau?
Kua mōhio a Leeana e tika ana anō kia whakapuaki ia i ōna whakaaro, i āna whakatikatika ki te hunga pakeke, tae atu ki a Wini, mēnā ka puta i runga i te ngākau māhorahora, i te ngākau pono, i te ngākau pai.
He aha ngā pānga o ēnei kawenga hou ki ngā pouako/kaiārahi kura?
Ko ngā whakaaro i puta i te hunga i whai wāhi mai ki te uiuinga e whakaatu ana ka tau anō ēnei tūmomo uauatanga ki ngā pouako.
He aha ngā pānga o ngā kawenga hou ki ngā ākonga?
Kāore tēnei tauira i titiro ki te pānga ki ngā ākonga.
