Ngā mea kua ākona me ngā hua ka puta
He aha ngā mea kua ākona e Leeana? He pēhea te pānga ki āna mahi?
“ Ko aku whakatau i a au e mātakitaki i a Wini, i hua ake i ōku ake uara, i ōku ake whakapono, i āku ake whakapae mō te āhua o te aro ake ina whakaarahia ake tēnei momo take. Ka mahue taku kimi i ngā whakaaro o Wini. Engari i a au ka whakaaro ake ki te mātakitanga me te wāhi i whakaritea māku, ka kite au:
he mea nui kia puea ake, ka tirotiro i te tika o ngā whakapae i mua, i muri anō i tetahi mātakitanga – hei tauira, mō te wāhi ki te hononga i waenga i te kaimātaki me te tangata e mātakihia ana;
ka mārama ake pea ngā huarahi ako ki te arotahitia ngā pātai e hāngai ana ki ngā raraunga me ngā taunakitanga, perā i te tuhinga o ngā kōrero ake i puta, tenā i aku whakaaro me aku whakapono.
“E ākona ai tetahi mea, e tika ana anō kia māhorahora, kia hāngai te puta o te whakaaro, i runga anō i te ngākau pai, i te whakaaro pai ki te tangata – kua tohu mai ngā pākeke katoa i whai wāhi mai ki tenei uiuinga e pai ana rātou kia puta ngā whakatikatika, ngā aha atu, menā ka puta i runga i te ngākau pai, i te wairua pai.”
Ki tā ngā mātanga titiro
He aha ngā mea kua ākona e koe, he pehea anō te pānga o enei ki ō mahi?
Ka pehea tō whakarāpopoto i ngā mea kua ākona e koe i tō whai haere i tenei tauira?
Kua pehea tō whakautu i te pātai rangahau a Leeana iāianā, arā: “Me pēhea taku whai kia ngaio aku mahi tahi ki ngā pouako, ki ngā hoamahi, e noho ai ko ngā hiahia o ngā ākonga ki mua, engari me te ū anō ki ngā kaupapa Māori?”
Anei ngā whakaaro o te hunga i whai wāhi mai ki te uiuinga:
He aha ngā uauatanga, ngā pātai kua tautohua e koe i roto i ō kawenga ngaio ki etahi atu i enei rā? Pehea te hono o enei ki ngā hiahia ako o ngā pouako me ngā ākonga kua tautohua? He aha ō taunakitanga?
Ko tehea o enei uauatanga/pātai e pai ana hei kaupapa arotahi mō tetahi uiuinga?
Kei te Conducting Inquiry (pp. 43–75) etahi kōrero hei ārahi i a koe ki te āta wherawhera i ō kawenga.
He whakakapi
- Previous item
Te āta aro atu ki te pātai rangahau >
