Wāhanga 11: He whakakapi

Wāhanga 11 – He whakakapi

Clip 11 – He whakakapi

Leeana
Kia ora anō tātou katoa. E tika ana me mihi ki ngā wāhine mō tō rātou aroha, tō rātou whakaaro e whārikihia i runga te pouaka whakaata. Ka kore rawa e mutu te mihi mō te hōhonutanga me te māramatanga e pā mai ki tēnei o ngā kaupapa. He mea nui te kōrero tahi, te whakawhiti whakaaro e pā ana ki te kaupapa nei. Nō reira, e kore rawa e mutu te mihi ki a koutou, ngā whaea, ngā hoa mō ngā mahi i runga i te pouaka nei.

Leeana
Greetings again to us all. It is appropriate that these women be acknowledged for their generosity and for the thinking that they have shared with us in this case. We extend our thanks for the depth and clarity that have been brought to this subject. It is vital that we talk together and share ideas around these matters. Therefore, you cannot be thanked enough, you women, friends, and colleagues, for your contribution to this learning resource.

E tika ana te kōrero, “He tomokanga paepae he ara ki te ao tūroa,” nā Pāpā Blackie i tū tērā atu pō. Nānā ēnei kōrero i homai hei āwhina, hei ārahi i a mātou i roto i ngā mahi a INSTEP. Ahakoa kaitakawaenga, RT:M, RT:LB kei te hāngai wērā kōrero ki a mātou, ki a tātou katoa i roto i wēnei tūmomo mahi. Nō reira, he mihi ki a tātou katoa, tātou i mahi i ngā mahi a INSTEP kia tutuki, kia ea ai i runga i ngā piki me ngā heke, ā, he mihi, he mihi, kia ora koutou katoa.

The expression that Pāpā Blackie used the other night is appropriate – “He tomokanga paepae he ara ki te aotūroa” [“Crossing a threshold that leads to a path to the future“, or, alternatively, “With each opening door comes another opportunity”]. He shared this thought with us to help and guide us in our work with INSTEP. Regardless of whether we are an adviser, an RT:M, or an RT:LB, those words are relevant to us all and the work we do. Therefore, thanks to everyone involved in INSTEP for what has been achieved and accomplished through the highs and the lows. Many thanks to you all.