Ngā mea kua ākona me ngā hua ka puta – nā Kaa Williams
I roto i tēnei kaupapa ko te aronga tuatahi ko tō whakapono ki ngā āhuatanga akoako o tō Māoritanga. Kei roto i tēnei āhua e tau ai tō wairua, e tau ai to mana, e tau ai tō mauri.
Kua tae koe ki tētahi panekiretanga o ngā mātauranga kaiwhakaako o te taha Pākeha, nā, ko tō mahi nui ko te whakamoe i ngā taha e rua kia haere ngātahi hai whakaako i ngā tamariki. Hei tauira ake, me whakanui i te tangate ahakoa ko wai. Mehemea ka tāea, he pai ake te kōrero, te wānanga, te whakawhitiwhiti whakaaro, te whakaako, kanohi ki te kanohi.
Kia pono tonu o kōrero ahakoa ko wai te kaiwhakarongo, ko nga hoa mahi, ko ngā akonga rānei. Tohatohangia o mōhiotanga, ō whēako, me te huaki i tō waiaro kia tū pakari ai te katoa. He ngaiotanga kei roto i ngā taha e rua, whakatauhia kia ikeike.
Whakauruhia te wairua pārekareka, te ngahau, te hihiri ki te ako, me te ngākau nui ki te mahi kaiwhakaako kia āhei ai te kī:
Ko te manu e kai ana i te miro o te ngāhere, nōna te ao Māori, te mātauranga Māori, te whakaaro Māori. Ko te manu e kai ana i te mātauranga, nona te ao Pakeha.”
Ka tuhonohia ēnei ao e rua tērā ka puta he tangata pakari, ngaiō, whaimana tonu.
