Te āta aro atu ki te pātai rangahau – nā Kaa Williams
He mārama ake te kitea o ngā kawenga tuakana/teina i ētahi horopaki, tēnā i ētahi atu? Kei te hāngai anō ki tēnei horopaki? Mēnā āe, ko wai te teina i konei?
Ko tēnei āhua o te tuakana, teina ehara i te āhuatanga whakararu i ngā mahi akoranga, i te noho tahi rānei o te tangata. Mai rānō, ko te tikanga he tauawhi, he manaaki, he poipoi, he tohutohu, he tiaki tētahi i tētahi. No reira, ka tāea te whakatau i te āwangawanga, i te pōhēhē, i te wairua whakahī ma te whakapono, he mana, he mauri to te tuakana.
I roto i a tatau mahi akoranga, ka tāea, ma te pātaitai, ma te whakapārekareka i ngā korero, ma te noho māmā ka tuku ana i o mōhiotanga, ma te tohatoha i o whakaaro i runga i te wairua whakaiti. Ko te mea nui ko te waiho i tōna mana ki a ia tonu. Kua tukuna e koe o whakaaro, māna e hopu mai, māna anō e whakahoki mai taua mana.
